|
Black Phantom Tetra
Hyphessobrycon megalopterus
Stærð: 3,6 cm.
Kynin: Karlfiskurinn er spengilegri og grásvartur í kviðuggum en hrygnan feitlagnari og rauðleitari í kviðuggum (mið mynd).
Um fiskinn: Myndarleg smátetra sem er falleg prýði í heimabúri. Hængar afmarka sér svæði og berast á til að verja það. Þeir fetta sig og synda í hringi hvor um annan uns annar hængurinn lætur í minni pokann. Lyndir alment vel við aðra rólega fiska og plummar sig best í torfu með 5 eða fleiri fiskum. Oft er heppilegast að hafa einn hæng á móti 4 hrygnum. Þetta er harðgerður og vel sýnilegur fiskur.
Uppruni: S-Ameríka: vatnasvæði efra Paraguay og Guaporé fljóts.
Æxlun: Stráir eggjum á hefðbundinn tetru máta. Frekar auðveldur í ræktun og auðvelt að þekkja kynin sundur. Best að hafa þéttan gróður til að hrygna í og fjarlægja foreldrana eftir got. Hrognin klekjast út á 24-30 tímum og seiðin eru frísyndandi eftir nokkra daga.
Búrstærð: 60 l
Hitastig: 22-28°C
Sýrustig (pH): 6,0-7,5
Harka (gH): 18
Fóður: Þurrfóður, blóðormar og hvers kyns smáormar..
Verð: 380 kr.
|
|
