Fire Crest Wimpel
Copadichromis “Fire Crest Wimpel”

Stærð: 12-14 cm.

Kynin: Karlfiskurinn er nánast svartur með hvíta blesu, hvítan bakugga og oft hvítar sporðblöðkur sem lengjast á hrygningartíma. Eru oft með rauðleita rák eftir öllum bakugganum. Hrygnan er silfurbrúnleit (neðst til vinstri). Hængar missa fljótt svarta litinn ef þeir eru hafðir með grimmari fiskum.

Um fiskinn: Þessi fallegi fiskur eignar sér yfirráðasvæði sem gerir það erfitt að setja tvo karlfiska í sama búr. Heldur sér á 20-50 m dýpi í Malavívatni. Þarf stórt búr með mörgum steinum og felustöðum til að umhverfið líkist náttúrulegu heimili hans. Finnst nálægt Gnome Rock hjá Makanjilla á austurströnd vatnsins (neðst til hægri). Skyldur C. “Fire Crest Blotch, C. “Fire Crest Yellow”.

Æxlun: Þessir fiskar eru munnalarar. Þess vegna þurfa hrygnur og seiði að fá skjól í hellum og holum.

Búrstærð: 600 l

Hitastig:  28°C

Sýrustig (pH): 8

Harka (gH): 22

Fóður: Dafnía, fullvaxin artemía, þurrfóður.