Azure “Maleri”
Copadichromis azureus “Maleri”

Stærð: 12-16 cm.

Kynin: Karlfiskurinn er skærblár með undirliggjandi þriggjabletta mynstri og gular yrjur á búk en hrygnan silfurgrá og einnig með blettina þrjá (neðsta mynd). Nokkur litamunur er á hængum eftir staðsetningu í vatninu og ýmis undirafbrigði til.

Um fiskinn: Þessi fagri fiskur eignar sér yfirráðasvæði sem gerir það erfitt að setja tvo karlfiska í sama búr. Heldur sér á 10-25 m dýpi í Malavívatni. Þarf stórt búr með mörgum steinum og felustöðum til að umhverfið líkist náttúrulegu heimili hans. Finnst við Mbenji- eyjar við vesturströnd vatnsins. Skyldur C. “Kawanga”, C. “Verduyni Deep Blue”, C. “Verduyni Northern”.


Æxlun: Þessir fiskar eru munnalarar. Þess vegna þurfa hrygnur og seiði að fá skjól í hellum og holum.

Búrstærð: 300 l

Hitastig:  28°C

Sýrustig (pH): 8

Harka (gH): 22

Fóður: Dafnía, fullvaxinn artemía, þurrfóður.