Borley “Cobué”
Copadichromis borleyi “Cobué”

Stærð: 15-17 cm.

Kynin: Karlfiskurinn er með gul-rauðum búk og bláum haus. Einnig með mjög áberandi langan kviðugga. Hrygnan er silfurgrá og vottar fyrir þrem dökkum blettum. Nokkur litamunur er á hængum eftir staðsetningu í vatninu og ýmis undirafbrigði til (Gold Fin, Kandango, Namalenji). Nefndur í höfuðið á H.J.H. Borley.

Um fiskinn: Þessi fagri fiskur eignar sér yfirráðasvæði sem gerir það erfitt að setja tvo karlfiska í sama búr. Heldur sér á 10-25 m dýpi í Malavívatni. Þarf stórt búr með mörgum steinum og felustöðum til að umhverfið líkist náttúrulegu heimili hans. Finnst við Mara Point hjá Cobué á austurströnd vatnsins.

Æxlun: Þessir fiskar eru munnalarar. Þess vegna þurfa hrygnur og seiði að fá skjól í hellum og holum.

Búrstærð: 600 l

Hitastig:  28°C

Sýrustig (pH): 8

Harka (gH): 22

Fóður: Dafnía, fullvaxin artemía, þurrfóður.