Quadrimaculatus
Copadichromis quadrimaculatus

Stærð: 16-20 cm.

Kynin: Karlfiskurinn er ljósblár, oft með hvítri blesu og hvítbrýndum bakugga. Höfuðið er aðeins íhvolft og vottar fyrir fjórum dökkum búkblettum. Hrygnan er silfurgrágræn með sömu búkbletti (mið mynd).

Um fiskinn: Þessi stórgerði fiskur eignar sér yfirráða- svæði sem gerir það erfitt að setja tvo karlfiska í sama búr. Þarf stórt búr með mörgum steinum og felustöðum til að umhverfið líkist náttúrulegu heimili hans. Finnst út af Makanjilla í austurhluta vatnsins.

Æxlun: Þessir fiskar eru munnalarar. Þess vegna þurfa hrygnur og seiði að fá skjól í hellum og holum.

Búrstærð: 600 l

Hitastig:  28°C

Sýrustig (pH): 8

Harka (gH): 22

Fóður: Dafnía, fullvaxin artemía, þurrfóður.