Til Gorgonacea teljast tveir undirættbálkar og 26 ættir kóralla. Sumir fræðimenn vilja flokka þetta allt undir Alcyonacea ættbálknum en hér er horfið frá því og gorgoníur settar í sérættbálk.

Gorgonacea kórallar skera sig töluvert úr vegna hins stífa byggingarlags, kalsít stoðfrumanna og hornkennds prótíns sem kallast gorgónín.

Þeir eru viðkvæmir fyrir háu seltustigi og hitastigi, og gefa frá sér eiturefni til að verjast óvinum og skapa sér vaxtarpláss á kóralrifum. Þeir eru tvíbreytnar og hafa ýmist í sér ljóstillífunarbakteríur eða þurfa að nærast eingöngu á plöntusvifi. Plöntusvifsæturnar eru gjarnan með hvíta eða litsterka holsepa og erfiðar í búrum en hinar eru bleik- eða brúnleitari og mun auðveldari viðureignar.

Þetta eru mjög fallegir kórallar og prýði að þeim í búrum en samt að ýmsu að hyggja.