Ornate Julie (Yellow/Gold Julie)
Julidochromis ornatus

Stærð: 8,5 cm.

Kynin: Kyngreining er erfið. Uggarnir oddmjórri á hængnum. Hrygnan jafnan minni.

Um fiskinn: Þessi er árásargjarn á sína eigin tegund.  Hann vill hafa nóg af steinum og grjóti kringum sig. Fallegur, ílangur fiskur með gulleitan grunnlit, 2 svört langsömbönd og dökkar skellur eftir hrygg. Uggarnir gulleitir með mjórri, blárri brún. Einn minnsti júllinn í ættinni. Lætur búraplöntur vera. Þolir illa mikil vatnsskipti - 10-15% vatnsskipti ákjósanlegust.

Æxlun: Það er erfitt að fá þá til að æxlast en þeir hrygna oftast í mjóum hellum eða sprungum. Hrygna í laumi. Mynda föst pör sem verja hrygningarsvæðið, hrognin og afkvæmin. Systkini úr eldra goti hugsa um yngri systkini. Hrognafjöldi 30-50. Hægvaxta seiði. Pörun hefst um 11-12 mánaða aldur.

Búrstærð: 80 l

Hitastig:  22-24°C

Sýrustig (pH): 8-9

Harka (gH): 9-19

Fóður: Dafnía, fullvaxinn artemía, kjötmeti.

Verð: 2.290 kr