|
Kawall’s Amazon
Amazona kawalli
Lýsing: Svipar til Mealy amasona í háttum og útliti. Almennt grænn; hnakki og bak blágrænt og hver fjöður með daufsvartri brún; vængbrún og undirstélsblöðkur gulgrænar; aðalflugfjaðrir fjólubláar með svörtum enda; rauður ferningur á ystu þrem aukaflugfjöðrum; stél grænt með grængulum enda; ytri stélfjaðrir rauðar í rótinni; ytri fjaðrir fjólubláar með ljósbláum enda; augnhringur grár; áberandi bert hvítt svæði upp við gogg (minnir á arnpáfa); efri goggur grár með ljósum hliðum; neðri goggur ljós; augun rauð; fætur gráir.
Lengd: 36 cm.
Lífslíkur: 60-70 ár.
Um kynin: Enginn sjáanlegur útlitsmunur. Kyngreindir með DNA-aðferð.
Uppruni: Þekkist aðeins frá efri hluta Rio Juru í Amazonas héraði og suður af Santarém héraði og Pará.
Um fuglinn: Harðger og hugaður fugl. Nagar mikið en gaðar sig sjaldan. Rólyndur og hefur sig lítið í frammi.
Hávaðasemi: Getur verið hávaðasamur.
Fóðrun: Fjölbreytt kornfóður, ávextir og grænmeti. Einnig vel soðið alifuglakjöt, fiskur. Fjölvítamín nauð- synlegt.
Staða í dag: CITIES II. Lítið vitað um útbreiðslu hans.
|
|
