Perlmutt “Higga Reef”
Labidochromis ”Perlmutt” (Higga Reef)

Stærð: 8-9 cm

Kynin: Hængurinn er hvítbláleitur með óljós dökk þverbönd og gulleitur eftir baki og í bakugganum. Ljós glampar á hliðar hans eins og perluskel. Hrygnan er gráhvít með þverbönd.

Um fiskinn: Vinsæll búrafiskur frá tíunda tug síðustu aldar. Hængurinn er ekki ágengur á svæði frekar en hrygnan. Þarf rúmgott búr með mörgum steinum og felustöðum til að umhverfið líkist náttúrlegu heimili hans. Heldur sér í stórgrýti á 10-30 m dýpi. Fiskurinn finnst eingöngu í Mbamba Bay út af Higga Reef (neðri mynd) í austurhluta Malavívatns..

Æxlun: Munnklekjari. Auðveldur í ræktun. Hrygnur og ungviði þurfa að geta leitað skjóls í hellum eða holum.

Búrstærð: 300 l

Hitastig:  28°C

Sýrustig (pH): 8,2

Harka (gH): 20

Fóður: Þurrfóður, dafnía.