|
Orange-bellied Parrot
Neophema chrysogaster
Lýsing: Almennur litur grænn; ennisband blátt með fölblárri brún; nefsvæði og fremri hluti kinna gulleitur; kinnar daufgrænar; bringa föl olivíugræn; kviður gulur með skærappelsínugulan blett; undirstélsblöðkur og undirhlið stélfjaðra gul; vængbeygja, vængbrún og ytri hluti aukavængblaðka bláfjólubláar; miðvængblöðkur fölbláar; ytri hluti aðalvængblaðka og aðalflugfjaðra dökkbláfjólublár; efri hluti stéls grænn með bláu ívafi, ytri fjaðrir gulleitar; hvíta bandið undir væng vantar; goggur grábrúnn; augu dökkbrún; fætur gráir.
Óþroskaðir fuglar eins og kvenfugl en yfirleitt daufari í fiðri; appelsínuguli kviðbletturinn minni; hvíta væng- bandið til staðar; erfitt að kyngreina ungviði; fá full- orðinsfjaðrir 8-9 mánaða gamlir.
Lengd: 20 cm.
Lífslíkur: 20-25 ár.
Um kynin: Kvenfugl eins og karlfugl en litir almennt daufari; daufgrænar fjaðrir á víð og dreif á baki; ennisband án föl blárra brúna; appelsínuguli kviðbletturinn minni; hvítt band undir vængjum sýnilegt á sumum kvenfuglum.
Uppruni: Varpsvæði við suðvesturströnd Tasmaníu; hefur vetrarsetur við suðausturströnd Ástralíu frá Gippslandvatni í Victoriu vestur til Alexandrinavatns; heimsækir nokkrar eyjar á Bass sundi (einkum King Island) þegar hann flýgur á varpstöðvar; áður einnig við Sydney, New South Wales.
Um fuglinn: Hljóðlátir og rólegir fuglar. Bestir í hópum. Mjög viðkvæmir fyrir pestum.
Hávaðasemi: Hljóðlátur fugl.
Fóðrun: Fjölbreytt kornfóður, ávextir og grænmeti. Einnig vel soðið alifuglakjöt, fiskur. Fjölvítamín nauðsynlegt.
Staða í dag: CITIES I. Í mikilli útrýmingarhættu. Innan við 200 fuglar árið 1990, þar með talin 50 varppör; stranglega verndaður í Ástralíu.
|
|
