Fenestratus “Chilumba”
Protomelas fenestratus “Chilumba”

Stærð: 12-15 cm.

Kynin: Vottar fyrir tveim langsöm röndum og dökkum þverböndum. Hængar eru yfirleitt fagurbláir með gulan kvið og háls. Hrygnan er jafnan silfurgrá, jafnvel gulleit, með rákamynstrinu (mið mynd). Nafnið “fenestratus” merkir “gluggi” og vísar til rákamynstursins.

Um fiskinn: Þessi vinsæli og fallegi fiskur eignar sér yfirráðasvæði sem gerir það erfitt að setja tvo karlfiska í sama búr. Þarf stórt búr með slatta af steinum og felustöðum og sendnum botni til að umhverfið líkist náttúrulegu heimili hans. Heldur sér yfir grýttum botni niður á 25 m dýpi. Veiða sér til matar með því að blása ofan af bráðinni í sandinum. Einkum hrygnan er lagin við það (mið mynd). Finnst við Chewere, Chilumba á norðvesturströnd Malaví- vatns (neðsta mynd).

Æxlun: Þessir fiskar eru munnalarar. Þess vegna þurfa hrygnur og seiði að fá skjól í hellum og holum.

Búrstærð: 520 l

Hitastig:  28°C

Sýrustig (pH): 8

Harka (gH): 22

Fóður: Dafnía, fullvaxinn artemía, grænfóður.