|
Yellow Rosella
Platycercus flaveolus
Lýsing: Almennur litur föl gulur; enni rauð- appelsínugult; kinnablettur djúpblár; hnakki, bak og vængfjaðrir svartar með breiðri gulri brún; efri bringa og háls með rauðu ívafi í mörgum fuglum; miðvæng- blöðkur svartar; undirvængblöðkur og ytri hluti væng- fjaðra blár; efri stélblöðkur og neðra bak daufgult; efri hlið miðstélfjaðra blár með grænu ívafi, ytri stélfjaðrir fölbláar með ljósum endum; undirhlið stéls grá með fölbláum endum; hvítt band á gráar undirhliðar vængja vantar; goggur hvít-grár; augn- hringur mjór og grár; augu dökkbrún; fætur gráir.
Óþroskaðir fuglar daufari á litinn; bak olivíugrænt; bringa og kviður föl gulgrænn; fölhvítt vængband til staðar; fá fullorðinsham um 16 mánaða aldur.
Lengd: 33 cm.
Lífslíkur: 30-35 ár.
Um kynin: Kvenfuglinn er að jafnaði minni og með appelsínugular fjaðrir á víð og dreif: fölt vængband stundum til staðar; minni og goggur mjórri.
Uppruni: Suðaustur-Ástralía.
Um fuglinn: Athafnasamur fugl og harðger eftir aðlögun. Fjörmikill á varptímanum og getur ekki verið með öðrum þá. Hefur gaman af að baða sig og nagar mikið og þarf því gott framboð af greinum. Hefur einnig gaman af að krafsa í jörð og þarf því reglulega ormahreinsun.
Hávaðasemi: Miðlungs hávær.
Fóðrun: Fjölbreytt kornfóður, ávextir og grænmeti. Einnig vel soðið alifuglakjöt, fiskur. Fjölvítamín nauð- synlegt.
Staða í dag: CITIES II. Algengur.
|
|
