|
Hahn´s Macaw (Red-shouldered Macaw)
Ara nobilis nobilis
Lýsing: Almennur litur grænn; enni og hvirfill dökkblár; vængbeygja, vængbrún og ytri undirvængsblöðkur rauðar; ytri hluti ytri aðalflugfjaðra blár; undirhlið stél- og flugfjaðra olívíugul; bersvæði kringum augu og nef hvítleitt; goggur dökkgrár; augu rauðbrún: fætur dökkgráir.
Óþroskaðir fugar án bláa litarins á enni og hvirfli; minna rautt; goggur ljós.
Lengd: 30 cm.
Lífslíkur: 40 ár.
Um kynin: Óverulegur munur á kynjum. DNA-greiningar þörf.
Uppruni: Gvæjana, Súrínam, Franska Gvæjana, Austur-Venesúela og Brasilía norður af Amazon fljótinu í héruðinum Roraima og Para.
Um fuglinn: Þetta er minnsti arnpáfinn í ættinni og því einkar áhugaverður. Hann er auðveldari í umhirðu en margir ættingjar hans. Þetta er bráðgáfaður fugl og því auðtaminn, skemmtilegur, félagslyndur og fyndinn. Einstakur fugl getur verið hávær, en flestir láta í sig heyra kvöld og morgna eins og aðrir páfagaukar. Þeir eru þó ekki eins háværir og stóru arnpáfarnir og því góður valkostur. Þetta eru ekki bestur talfuglarnir en sumir verða góðir talarar. Hansarinn binst eiganda sínum fljótt sterkum böndum og skemmtir honum tímunum saman með látbragði sínu og ærslum.
Hávaðasemi: Í meðallagi fyrir dvergara. Einstaka fugl gargar mikið.
Fóðrun: Fjölbreytt kornfóður, ávextir og grænmeti. Einnig vel soðið alifuglakjöt, fiskur. Fjölvítamín nauðsynlegt.
Staða í dag: CITIES II. Frekar algengur.
Verð: Puttataminn 110.000 kr. Handmataður 160.000 kr.
|
|
