|
Yellow-tailed Cockatoo
Calyptorhynchus funereus funereus
Lýsing: Almenn litur svarbrúnn; allar fjaðrir með gulri brún; eyrnafjaðrir gular; miðstélfjaðrir svarbrúnar, hliðarfjaðrir svarbrúnar með gulu bandi og svörtum blettum; húðbleikur augnhringur; augu dökkbrún; fætur grábrúnir; goggur dökkgrár.
Óþroskaðir fuglar líkjast kvenfuglinum en ungir karlar hafa daufari eyrnafjaðrir og goggurinn gráleitur.
Lengd: 65 cm.
Lífslíkur: 50-70 ár.
Um kynin: Kvenfuglarnir eins og karlfuglarnir nema eyrnafjaðrir skærgular; fleiri doppur á gula stélbandinu; goggur ljós; augnhringur dökkgrár.
Uppruni: Austurhluti Ástralíu frá miðhluta Queensland suður til austurhluta Victoriu.
Um fuglinn: Rólegur og mjög harðger eftir aðlögun. Verða sljóir í búrum og af of litlum vistarverum. Getur átt það til að vera matvandur, einkum ef hann skiptir um eigendur en étur gjarnan furuhnetur í fyrstu. Mikill nagari og þarf gott framboð af ferskum laufguðum greinum og rotnandi viði.
Hávaðasemi: Frekar hljóðlátir.
Fóðrun: Fjölbreytt kornfóður, ávextir og grænmeti. Einnig vel soðið alifuglakjöt, fiskur. Fjölvítamín nauðsynlegt.
Staða í dag: CITIES I. Stofninn á undanhaldi og í hættu.
|
|
