|
Siklíður af Sciaenochromis ætt eru litsterkar, tilkomu- miklar og gullfallegar. Þær eru munnalarar, eins og flestar malavísiklíður, en flokkast ekki undir mbúnur. Þær verja svæði sitt af miklum eldmóð. Karlfiskurinn er litmeiri en kvenfiskurinn. Sciaenochromis siklíður éta þörunga og vatnasmádýr. Pörunin er hefðbundin fyrir malavísiklíður. Karlinn finnur sér hrygningarstað og grefur niður á flatan stein. Síðan lokkar hann kerluna að með miklu látum en rekur hana síðan burt að hrygningu lokinni. Meðgangan er um 3 vikur og að því loknu sleppur kerlan seiðunum og skiptir sér lítið af þeim.
|
|
