Pírana
Red Bellied Piranha
Serrasalmus natterri

Stærð: Getur orðið allt að 30 cm verður þó sjaldan mikið stærri en 20 í búrum

Kynin: Ómögulegt er að greina kynin 100% nema að horfa á þá hrygna. En þó er oftast þannig að hrygnurnar eru breiðari en kallarnir.

Um fiskinn:  Þeir eru aðallega kjötætur og líður best í hópum. Í náttúrunni éta þeir nær eingöngu veika fiska og hræ en þegar þurrkatímabilið kemur og matur verður af skornum skammti þá ráðast þeir á stærri bráð sem kemur í vatnið. Hægt er að hafa aðra fiska með þeim ef það er passað að fóðra þá vel, því ef þeir verða svangir þá geta þeir étið aðra fiska sem eru með þeim jafnvel fiska af sinni eigin tegund. Varast skal að vinna í búrinu án þess að vera búinn að gefa þeim að éta fyrst og alls ekki ef maður er með opið sár á hendinni.

Æxlun: Erfitt er að fá þá til að hrygna í búrum en ef þú villt reyna það þá þarftu minnst 500 lítra búr. Þú þarft að kaupa þér 6-8 fiska littla og láta þá vaxa upp saman og vona að 2 þeirra pari sig saman. Til að reyna að galdra fram hrygningu hjá þeim er gott að gefa þeim vel og mkið að éta, helst lifandi og próteinríkt fóður. Hækka hitann um 1-2 gráður og svo er gott að skipta mikið um vatn til að fiskarnir haldi að regntímabilið sé komið (sem er náttúrulegi hrygningartíminn). Búrið ætti að vera með góðum felustöðum svo sem hella og hafa nóg af gróðri og góða hreinsidælu. Kallinn sér alfarið um að passa seiðin. Helst ætti að taka seiðin úr búrinu og setja í sér búr og fóðra svo á artemíu.

Búrstærð: 300l

Hitastig:  27°C

Sýrustig (pH): 6-7

Harka (gH): 10

Fóður: Lifandi fóður, fóðurtöflur.