Leopard Moray (Honeycomb Moray, Tessalata)
Gymnothorax favagineus

Stærð: 180 cm

Uppruni: Indlandshaf, við Srí Lanka.

Um fiskinn: Sérlega fallegur og kröftugur fiskur með ljósgulleitan búk, alsettan dökkum dílum og flekkjum. Ungviðið er dekkra (efsta mynd) en flekkirnir minnka með aldrinum. Þetta er með stærri múrenum og hentar vel í rúmgóðu búri með fiskum sem hann getur ekki gleypt td. stórum ljónafiskum, gikkfiskum, glefsum. Hann hefur gaman af að fela sig í grjóti og gægjast fram og er vel tenntur með mjög gott þefskyn, enda með fjórar nasir. Þessi glæsilega múrena þarf gott sundpláss, góðan straum og hreint vatn. Þessir fiskar geta auðveldlega smeykt sér upp úr búri og líka bitið ef svo ber undir. Hafa ber í huga að það getur verið erfitt að fá þessa fiska til að éta í fyrstu. Sumir geta svelt sig í nokkra mánuði og best að fóðra þá á einhverju bragðgóðu td. loðnubitum, ýsustrimlum, lifandi smáfiskum.

Fóður: Hvers konar kjötmeti, skelfiskur, smáfiskar.

Sýrustig (pH): 8,1-4

Búrstærð: 800 l

Hitastig: 23-27°C

Verð: 16.990/20.090/25.490 kr.